TAKOK

Irama : Zaenal Combo           Lirik : Nazif Basir

 

Apo bana buyuang rusuahkan

Rusuah hati rang mudo-mudo

Kok nak baju biai balikan

Den tak nio, den tak nio, den tak nio

 

Apo bana buyuang rusuahkan

Sampai biai bakiro-kiro

Baju abak denai sasuai

Cubolah takok, yo takok, yo kok bana

 

Reff:

Nak babini malah kironyo

Buyuang bansaik alun mancari

Iyo itu di den katuju

Ado nyao ado razaki

 

 

Tagged , , , , , ,

TABUIK

Irama : Nuskan Syarief         Lirik : Nazif Basir

 

Oyak oyak hosen, oyak hosen kalio bantai

Oyak oyak hosen, abih pitih badan marasai

Oyak oyak hosen, oyak hosen kalio bantai

Oyak oyak hosen, nan ongok badan marasai

 

Oyak oyak hosen, o ho ho oyak oyak hosen

 

Bulan Sapa

Di Piaman tabuik dihoyak

Cimuntu malonjak-lonjak

Urang manonton basorak-sorak

 

Batambah heboh

Basobok tabuik di simpang

Jo muluik bamulai parang

Akhianyo lego cantuang cantang

 

Datang manyarang labai tengkak

Kaki pincang sato mandongkak

Takongkang surang pisak sarawanyo kuyak

 

Maesek pulo Udin Bondek

Nak gadih urang nan nyo resek

Dek salah kaca tacokok gundu rang gaek

Tagged , , , , , ,

SANANG HATI

(DARI KASET BARALEK GADANG VOL I)

Irama : Yusaf Rahman           Lirik : Nazif Basir

 

(NARASI)

“Kok makan alah samparono kanyang

Minum alah samparono sajuak

Bajalan lah sampai ka bateh

Kok balayia lah sampai ka pulau

Namun samantang pun baitu

Makan minum raso di paruik

Talingo jo apo disanangkan?”

 

Ladang padi, ladang padi ditanam lado

Dalam parak, dalam parak batanam pimpiang

Sanang hati, sanang hati indak tabado

Anak rancak, anak rancak minanto santiang

 

Patang hari hujan bakabuik

Anak urang lah baluluangan

Ondeh… iyo… Ondeh… Iyo…

 

Sanang hati ijan disabuik…

Anak urang lah bajunjuangan…

Lah bajunjuangan lah bajunjuangan

 

Batang jati, batang jati ditanam urang

Nan sabatang, nan sabatang kini lah duo

Sanang hati, sanang hati sabana sanang

Anak surang, anak surang kini lah duo

 

Rantang tali si tigo dapo

Kabek malah si rantiang kayu

Ondeh… iyo… Ondeh… iyo…

 

Sanang hati indak takato…

Dapek minantu nan katuju…

Yo nan katuju Yon an katuju

 

Ladang padi, ladang padi ditanam lado

Dalam parak, dalam parak batanam pimpiang

Sanang hati, sanang hati indak tabado

Anak rancak, anak rancak minantu santiang

Tagged , , , , , ,

PUSAKO DIDIRIKAN

(DARI KASET BARALEK GADANG VOL I)

Irama : Yusaf Rahman             Lirik : Nazif Basir

 

(NARASI)

“Rang Minang baralek gadang

Tagaklah alam jo marawa

Digayuikkan aguang nan gadang

Bunyinyo si ranah kampuang”

 

Adang babunyi di udara…

Adang babunyi di lautan… 2x

 

Dilapeh badia sadantang

Mandatuih bunyi patuih

Gumandiak candonyo tanah

Manggaga sampai ka udaro

 

Sampai ka lauik nan sadidiah…

Sampai ka awan manggajuju… 2x

 

Tahu lah urang kasadonyo

Tando pusako didirikan

Lingkuik pingkuik di nagari

Babondong-bondong tangah lauik

 

Tahu lah irang kasadonyo

Tando pusako didirikan… 2x

 

Tagged , , , , , ,

PITUNANG MARAPULAI

(DARI KASET BARALEK GADANG VOL I)

Irama : Yusaf Rahman           Lirik : Nazif Basir

 

(NARASI)

“Ka bukik lah dapek angin, ka lurah lah dapek aia

Kok pintak alah dibari, kok kandak alah balaku

Mako sakarang kini nangko

Kami bao marapulai jo pangiriangnyo

Mintak dilapeh jo hati nan suci, muko nan janiah”

 

Aiii… barambun sadah jo kapeh

Pandan bakabek hanyo lai

Ampunkan denai ayah jo mandeh…

Badan barangkek hanyo lai…

 

Ampun baribu kali ampun

Ampunkan denai sanak sudaro

Badan… barangkek hanyo lai…

 

Aiii… sicerek tolong ladangkan

Di ladang dicabuik urang

Di ketek mandeh gadangkan, mandeh…

Lah gadang dijapuik urang

 

Ampun baribu kali ampun

Ampunkan denai sanak sudaro

Lah gadang dijapuik urang…

Tagged , , , , , ,

PENGIRING MAKAN

(DARI KASET BARALEK GADANG VOL II)

Irama : Yusaf Rahman             Lirik : Nazif Basir

 

Lah tasirek dalam barih balabeh

Sasuai adaik di Minangkabau

Jikok bajalan sampai kabateh

Jikok balaya sampai ka pulau

 

Nan dituju kini alah tacapai

Jikok makasuik iyolah sampai

Lah tahidang nasi jo gulai

Jamba nak mintak yo di parenai

 

Reff:

Oi.. sanak basuah lah tangan

Mari makan kito basamo

Sambiak nasi isilah pinggan

Usah kito babaso baso

Oi.. sanak buekkan tambuah

Sudah makan lakek parabuang

Buliah sanang hati ran dapua

Iko alek bapurun puntuang

Tagged , , , , , ,

PASAMBAHAN SIRIAH CARANO

(DARI KASET BARALEK GADANG VOL I)

Irama : Yusaf Rahman               Lirik : Nazif Basir

 

(Bagian pertama)

 

Sapuluah jari nan kami susun

Ampun jo maaf ka urang banyak

Aka kurang pandapek balun

Manggigia badan dibaok tagak – 2x

 

Antahnyo gawa nan sakutiko

Lupo manaruah nan katinggalan

Tingga nan indak disangajo

Iyo nak mintak dimaafkan – 2x

 

(Bagian kedua)

 

Kapa sikareh nan tigo dapo

Mamuek Gambia nan jo sadah – 2x

Nangkodo Angku Syahbanda – 2x

Antah sasek karano lupo

Antah dek gawa karano salah – 2x

Aliah dek sanak ka nan bana – 2x

 

Tagged , , , , , ,

OMPIMPA

Irama : Elly Kasim             Lirik : Nazif Basir

 

(NARASI)

“Ompimpa… 2x tarararampampa

Ompimpa… 2x tarararampampa”

 

Dima kini adiak mandok

Lah panek denai dek mancari

Dibaliak lalang dibaliak tembok

Tiok suduik lah denai cari

Ompimpa ompimpa ompimpa

Tarararampampa

 

Carilah denai oi uda sayang

Kok hati lai sabana cinto

Jan cameh bahati bimbang

Lamo lambek batamu juo

 

Dima ko kini adiak

Panek denailah mancari

Cari-carilah oi uda sayang

Cari lah denai nak sampai dapek

Kok hati lai sabana sayang

Nan jauah manjadi dakek

Ompimpa… 2x tarararampampa

 

Tagged , , , , , ,

NGARAI SIANOK

Irama : Zaenal Combo         Lirik : Nazif Basir

 

Rancak candonyo Ngarai Sianok

Di Panorama diliek patang

Liku baliku aia babelok

Tabiang nyo curam ndeh mambaok malang

 

Disiko denai mancubo kasiah

Ngarai Sianok jadi saksinyo

Jikok salah cinto den piliah

Tinggalah oh Ngarai Sianok

 

Liku baliku aia babelok

Tabiang nyo curam ndeh mambaok malang

 

Di rantau kini denai tabayang

Ngarai Sianok di Bukiktinggi

Maimbau imbau denai nak pulang

Manjalang tuan ndeh manapek janji

 

Tagged , , , , , ,

MARAPULAI TIBO

(DARI KASET BARALEK GADANG VOL I)

Irama : Suryaman           Lirik : Nazif Basir

 

 

(NARASI)

“Lamo lambek di jalan

Jauah basarang dakek juo

Kini lah tibo hanyo lai.. Iyo di rumah anak daro”

 

Nan dinanti kini iyo lah tibo

Nan dinanti datang jo pangiriangnyo

Sanang hati sajuak lah kiro-kiro

 

Reff:

Dima hati indak lah ka sanang

Marapulai kini alah datang

Oi malenggok, jalan malenggang…

 

Nan dinanti kini iyo lah tibo

Nan dinanti datang jo pangiriangnyo

Sanang hati sajuak lah kiro-kiro

 

Marapulai sabana santiang

Yo malenggok jalan bairiang

Sambuik talua jo bareh kuniang

 

Nan dinanti kini iyo lah tibo

Nan dinanti datang jo pangiriangnyo

Sanang hati sajuak lah kiro-kiro

Tagged , , , , , ,