MARAPULAI TIBO

(DARI KASET BARALEK GADANG VOL I)

Irama : Suryaman           Lirik : Nazif Basir

 

 

(NARASI)

“Lamo lambek di jalan

Jauah basarang dakek juo

Kini lah tibo hanyo lai.. Iyo di rumah anak daro”

 

Nan dinanti kini iyo lah tibo

Nan dinanti datang jo pangiriangnyo

Sanang hati sajuak lah kiro-kiro

 

Reff:

Dima hati indak lah ka sanang

Marapulai kini alah datang

Oi malenggok, jalan malenggang…

 

Nan dinanti kini iyo lah tibo

Nan dinanti datang jo pangiriangnyo

Sanang hati sajuak lah kiro-kiro

 

Marapulai sabana santiang

Yo malenggok jalan bairiang

Sambuik talua jo bareh kuniang

 

Nan dinanti kini iyo lah tibo

Nan dinanti datang jo pangiriangnyo

Sanang hati sajuak lah kiro-kiro

Advertisements
Tagged , , , , , ,

MANJAPUIK MARAPULAI

(DARI KASET BARALEK GADANG VOL I)

Irama : Yusaf Rahman           Lirik : Nazif Basir

 

(NARASI)

“Dek capek putaran hari.. Pagi baganti dengan patang

Siang batuka dengan malam.. Tibo lah hari nan dinanti

Urang manjapuik marapulai”

 

Dari lah jauah kami lah datang

Datang bajalan jo langkah gantai

Jo langkah gontai…

Yo jo langkah gontai…

 

Bukannyo datang sumbarang datang

Datang manjapuik yo marapulai

Yo marapulai…

Yo si marapulai… 3x

 

Yo sabuik lah kami sabuik kalapo

Sakoto urang nan mandatakan

Japuik lah kami japuik tabao

Sarato urang nan mahantakan

Nan mahantakan…

 

 

Yo… dari lah jauah kami lah datang (sanak)

Datang bajalan jo langkah gontai

Bukannyo datang sumbarang datang

Datang manjapuik si marapulai

Si marapulai…

 

Datang nyo kami datang baradaik

Langkok jo siriah dalam carano

Dalam carano…

Yo dalam carano… 3x

 

Ditingkek janjang bandua ditampiak

Diisi adaik nan jo limbago

Nan jo limbago…

Yo nan jo limbago… 3x

 

Yo… sabuik lah kami sabuik kalapo (kanduang)

Sakoto urang nan mandatakan

Japuik lah kami japuik tabao

Sarato urang nan mahantakan

Nan mahantakan…

 

Yo… dari lah jauah kami lah datang (sanak)

Datang bajalan jo langkah gontai

Bukannyo datang sumbarang datang

Datang manjapuik si marapulai

Si marapulai…

 

Tagged , , , , , ,

MAKAN BASAMO

(DARI KASET BARALEK GADANG VOL I)

Irama : Yusaf Rahman         Lirik : Nazif Basir

 

(NARASI)

“Kok hati nan diambiak paarih

Mato nan diambiak paliek

Kok mangkuak alah tasusun

Edaran alah talatak”

 

Iyo kami silang nan bapangka,

karajo nan bapokok

Nak mintak disantap,

sakian bana pado Sutan

 

Balinang si samba randang

Samba lado bagoreng patai

Makan sabana makan kanyang

Di rumah indak baulang lai

 

Kunyah kenyoh bacepak cepong

Makan sapiriang tambuahnyo duo

Sado nan masuak usah dietong

Bara nan tingga disantuang juo

 

(Kembali ke Reff)

 

Tagged , , , , , ,

LAH LARUIK MALAM

Irama & Lirik : Nazif Basir

 

Dangalah lagu rang panggaleh

Bajojo lapek tangah malam

Bialah pipik nak nyo lapeh

Asa baganti jo buruang balam

Bialah pipik nak nyo lapeh

 

Reff:

Oi dindin oi hari lah laruik… 3x

Lah laruik malam

 

Lapek jo lamang sarikayo

Bagulo anau batangguli

Indak den harok jo nan kayo

Bialah bansaik asa babudi

Indak den harok jo nan kayo

Bialah bansaik asa babudi

 

Oi dindin oi hari lah laruik… 3x

Lah laruik malam

Tagged , , , , , ,

KUMBANG BATALI

Irama : Syahrul Tarun           Lirik : Nazif Basir

 

Bia di langik kumbang babega

Bungo di kabun nan manggilo

Sayang pabilo ka hinggoknyo

 

Reff:

Sungguah bapaga bungo sabatang

Indak den cameh dilamun harok

Namuah den gungguang tuan tabang

 

Sayang bungo ndak basayok

 

Kini den tau kumbang batali

Tali pangikek tando cinto

Ujuang dipacik dek rang punyo

Tagged , , , , , ,

KARIANG LAUTAN

Irama : Tiar Ramon             Lirik : Nazif Basir

 

Lai den cinto buruang tabang

Buruang nan indak namuah hinggok

Lai den cinto uda nan surang

Uda indak mambari harok

 

Apo guno tali dirantang

Elok pinta pada diuleh

Apo lah guno bakasiah sayang

Jikok tapuek indak babaleh

 

Bukan denai indak maraso

Bukan denai bapaliang hati

Takuik adiak ka taseso

Raso lamo ka mananti

 

Luruih jalan ka Payokumbuah

Taruihkan jalan ka Tanjuang Pati

Jikok yo hati lai samo namuah

Kariang lautan kito nanti

 

(Kembali ke atas)

Tagged , , , , ,

KAPARINYO

(DARI KASET BARALEK GADANG VOL II)

Irama : Yusaf Rahman       Lirik : Nazif Basir

 

Kaparinyo… Janjurak bungo janjuri

Kaparinyo.. Janjurak bungo janjuri, ondeh sayang

Nan katigo, nan katigo bungo jilatang

Kaparinyo, kaparinyo.. Katigo bungo jilatang

 

Kaparinyo, siriah galak pinang manari

Kaparinyo, siriah galak pinang manari, ondeh sayang

Mancaliak alek, mancaliak alek rami nan datang

Kaparinyo, kaparinyo.. Mancaliak alek rami nan datang

 

Kaparinyo, masaklah bareh manjadi lamang

Kaparinyo, masaklah bareng manjadi lamang, ondeh sayang

Lakeklah katan, lakeklah katan di piriang juo

Kaparinyo, kaparinyo.. Lakeklah katan di piriang juo

 

Kaparinyo, apak jo mandeh bahati sanang

Kaparinyo, apak jo mandeh bahati sanang, ondeh sayang

Maliek anaknyo, maliek anak basandiang duo

Kaparinyo, kaparinyo.. Maliek anak basandiang duo

 

Kaparinyo, anak lah udang di panggang sajo

Kaparinyo, anak lah udang di panggang sajo, ondeh sayang

Nak ka dipindang, nak ka dipindang indak bakandih

Kaparinyo, kaparinyo.. Nak kadipindang indak bakandiah

 

Kaparinyo, anak urang dipandang sajo

Kaparinyo, anak urang dipandang sajo, ondeh sayang

Nak ka dipinang, nak ka dipinang indak bapitih

Kaparinyo, kaparinyo.. Nak ka dipinang indak bapitih

 

Kaparinyo, ramo-ramo si kumbang janti

Kaparinyo, ramo-ramo si kumbang janti, ondeh saying

Katiklah endah, katik endah pulang bakudo

Kaparinyo, kaparinyo.. Katik endah pulang bakudo

 

Kaparinyo, bamacam-macam lagu rang kini

Kaparinyo, bamacam-macam lagu rang kini, ondeh sayang

Lagu lamo, lagu lamo dendangkan juo

Kaparinyo, kaparinyo.. Lagu lamo dendangkan juo

Tagged , , , , , ,

KA JADI APO

Irama : Nuskan Syarief           Lirik : Nazif Basir

 

Santi sayang, jikok gadang ka jadi apo?

Jadi bidan, jadi SH, ka jadi doto?

Indak jauah aia jatuah dari cucuran

Ayah koncek tantu anak jadi garundang

 

Oi bijak, manjawek iyo sabana bijak

Rang gaek Santi oi, jan dipagarahkan

Nak sayang oi upiak urang ka bakeh awak

Nan bana kato nan ka dikatokan

 

Santi sayang, jikok gadang ka jadi apo?

Jadi bidan, jadi doto, tasarah bundo

Nan paralu jadi anak mambaleh guno

Nan tak jadi bagai juo ampek kakinyo

 

Oi bijak, manjawek iyo sabana bijak

Rang gaek Santi oi, jan dipagarahkan

Nak sayang oi upiak urang ka bakeh awak

Nan bana kato nan ka dikatokan

 

Nan paralu jadi anak mambaleh guno

Nan tak jadi bagai juo ampek kakinyo – 3x

Tagged , , , , ,

JOLONG BASANDIANG

(DARI KASET BARALEK GADANG VOL I)

Irama : Yusaf Rahman           Lirik : Nazif Basir

 

Hei… bagaluik karambia jo kukuran

Badanta-danta si batu lado

Apo garanga nan kajadian

Ayam dibadabiah pakan di muko

 

Hei… lah heboh urang di dapua

Kambiang lah rabah ayam takeok

Galah tasengeang banta jo kasua

Saperai rancak nan ka maraok

 

Reff:

Rami lah urang sindia manyindia

Cibuak mancibuak di baliak tabia

Tapi lah cawan raso di bibia

Urang nan auih awak nan tagia

 

Hei… tak, tak ton tong kalamai jaguang

Tagunda-gunda lah di ateh piriang

Dek a upiak mangkonyo binguang

Pakan di muko badan basandiang

Tagged , , , , , ,

INDANG TALALAI

(DARI KASET BARALEK GADANG VOL II)

Irama : Suryaman         Lirik : Nazif Basir

 

Talalai bujang talalai

Hai… talalai di rantau urang

Nam sek ulah lamai kalalai

Lah taicia kito dek urang

 

Dulu balacu manjadi baju

Kinilah lamai di jaik urang

Dulu baparu kito nan nomor satu

Kini talalai, oi beko di buik urang

 

Dulu kataram kito ka ladang

Kini kangarai manyandang bajak

Dulu baragam di kito bungo nan kambang

Kini putiak satangkai nan indak nampak

 

Reff:

Oooi.. yo urang pagai-pagai pai basamo

Yo urang pagai-pagai pai basama

Yo kadalam rimbo mancari rotan sago

Yo kadalam rimbo mancari rotan sago

 

Usahlah talalai dek pukau tuah nan lamo 2x

Maso nan kini ko manuntuik tingkek kan dayo 2x

Lalai talalai – talalai bujang talalai 2x

Tagged , , , , , ,