Tag Archives: Pitunang Marapulai

PITUNANG MARAPULAI

(DARI KASET BARALEK GADANG VOL I)

Irama : Yusaf Rahman           Lirik : Nazif Basir

 

(NARASI)

“Ka bukik lah dapek angin, ka lurah lah dapek aia

Kok pintak alah dibari, kok kandak alah balaku

Mako sakarang kini nangko

Kami bao marapulai jo pangiriangnyo

Mintak dilapeh jo hati nan suci, muko nan janiah”

 

Aiii… barambun sadah jo kapeh

Pandan bakabek hanyo lai

Ampunkan denai ayah jo mandeh…

Badan barangkek hanyo lai…

 

Ampun baribu kali ampun

Ampunkan denai sanak sudaro

Badan… barangkek hanyo lai…

 

Aiii… sicerek tolong ladangkan

Di ladang dicabuik urang

Di ketek mandeh gadangkan, mandeh…

Lah gadang dijapuik urang

 

Ampun baribu kali ampun

Ampunkan denai sanak sudaro

Lah gadang dijapuik urang…

Advertisements
Tagged , , , , , ,